|
Die eiendom van 36,6ha naby Rayton word besit deur Precision Ceramics BK. Die BK het twee lede met ‘n 50% belang elk. Een van die lede is permanent woonagtig op die eiendom. Besproeingsregte op 5ha is tans geregistreer by die DWW (DWS).
Ongeveer 12ha is bewerkbare grond wat wissel van sand, leem tot turf. Die restant is natuurlike veld. Daar is ook ʼn klein bloekom plantasie wat gebruik word vir pale.
Tans word slegs ʼn paar beeste aangehou.
Die veldtipe is sg Bankenveld.
Die konsep:
Aangesien beide lede naby aan aftrede is, is die gedagte om aan ʼn grondlose, jong dinamiese persoon of paartjie ʼn geleentheid te bied om in vennootskap ʼn landbou-onderneming/s te vestig. Die eiendom is ideaal vir bokboerdery, hoenders en tuinbougewasse. Die idee is om bewaringslandbou praktyke toe te pas. Die persoon/paartjie kan oor die langtermyn totale eienaarskap bekom.
Die geskikte persoon/paartjie kan ʼn onderhandelde belang in die BK koop en dan ʼn wooneenheid bou op eie onkoste, selfs al is die aanvanklike wooneenheid van ‘n tydelike aard. Voorwaardes geld.
Dertig persent van die belangbedrag sal gebruik word om aktiwiteite te befonds en infrastruktuur te skep waar bestaande infrastruktuur te kort skiet. Dit sal ook aangewend word om lewende hawe, plantmateriaal, saad ens. aan te koop na beplanning en besluit is op die geskikte boerderyaktiwiteite.
Implemente soos ʼn trekker, hark, bossiekapper, skottelploeg, eentand ripper sowel as goue
koppelpype is beskikbaar.
Volhoubaarheid en sinergie tussen aktiwiteite is noodsaaklik, en waardetoevoeging sover moontlik.
Vaardighede en ondervinding:
Die persoon of paartjie het verkieslik Landbou/Tuinbou/Permakultuur ondervinding of kwalifikasies en kennis of begrip van waardetoevoeging. Handvaardigheid, meganiese aanleg en kennis van ligte konstruksie sal welkom wees. Deursettingsvermoe, hardwerkendheid, integriteit en ʼn goeie begrip van rekordhouding is ʼn vereiste.
Kontak besonderhede:
Pieter Prinsloo – 0726781734, Epos: zirconedge@gmail.com
Inligting oor die Lede:
Die BK-lede is Andre Vermeulen, eienaar van Meester Masjinering en Pieter Prinsloo, eienaar van Smilequip Pty LTD. Meester masjinering funksioneer in die ingenieursvervaardiging sektor en Smilequip is ʼn verspreider van tandheelkunde materiale.
Andre Vermeulen is ʼn Meganiese Ingenieur van Centurion. Hy het Matriek verwerf in 1975 aan die Hoërskool Silverton. Later voltooi hy sy Ingenieurskwalifikasie aan die Pretoria Technikon. Tans woonagtig in Die Wilgers, Pretoria. Andre het onder andere groentetonnels gebou en verskeie 1ha tonnelprojekte voltooi.
Pieter Prinsloo is ‘n Tandtegnikus. Matrikuleer in 1975 aan die Hoërskool Silverton en Kwalifiseer aan die Pretoria Technikon as Tandtegnikus in 1980. Bedryf sy eie tandlaboratoriums tot 1990 waarna hy ʼn lektor word by Medunsa. Stig Smilequip in 2016. Tans woonagtig naby Rayton. Pieter het op die plaas Van Dykspruit (sy oupa se plaas en later sy pa se plaas) naby Cullinan ondervinding opgedoen van varkboerdery, perske- en proteaverbouing. Doen ook later ondervinding op in blommeverbouing in tonnels.
|
