Ons staan in die sesde maand van 2024. So het die jaar dan nou ook al halfpad verbygevlieg en het daar ‘n paar interessante gebeure plaasgevind. Een daarvan was natuurlik die verkiesing. Ons sit vandag met ‘n nuwe Regering van Nasionale Eenheid. Wat dit alles vir ons inhou, sal ons met tyd sien. Met mnr. John Steenhuisen wat as die nuwe Minister van Landbou aangewys is, glo ons dat hy ‘n nuwe dimensie in landbou vir ons sal bring, mits die regering dit toelaat. Ons is opgewonde oor sy aanstelling en hoop dat dit voordelig sal wees vir boere in georganiseerde landbou.

Die verkiesing is afgehandel en is ons tans in tydperk van onsekerheid oor hoe gaan beleid ontsluit.  In die regering van nasionale eenheid (RNE) is daar groeperinge saamgevoeg wat oor sekere sake radikaal verskil.  Dit bly ’n ope vraag oor hoe gaan beleid dan geformuleer word.  Dit kan teweegbring dat besluite nog langer sal neem om geneem te word en dan natuurlik is daar ook vrae oor die uitvoering daarvan.  

Die landbou-organisasie TLU SA sê hy is bekommerd en hartseer oor die brutale moord op ‘n prominente sakeman en gerespekteerde boer in KwaZulu-Natal op 13 Junie 2024. Hierdie gruweldaad is ‘n tragiese toevoeging tot die ontstellende toename in plaasaanvalle en -moorde wat Suid-Afrika die afgelope twee weke geteister het.

Die landbou-organisasie TLU SA neem kennis van president Cyril Ramaphosa se aankondiging rakende die nuwe kabinetsvorming op 30 Junie 2024. In hierdie uitdagende regeerproses, met uiteenlopende partye en verskille in beleidsbenaderings, is die uitdaging om te sien watter koers die kabinet gaan inslaan in die beste belang van die land se mense.

Geagte Mnr. President,

Die toestand in Suid-Afrika, soos u self weet, is beroerd. Misdaad is buite beheer, en ekonomiese groei skep nie die nodige kapasiteit om werkloosheid aan te spreek nie. Infrastruktuur sowel as die instellings wat die publiek moet dien, stotter voort in grootliks oneffektiwiteit. Hierdie is alles aspekte waarvoor die regering die verantwoordelikheid volledig moet aanvaar.

Die tema van samewerking en eenheid was deurgaans duidelik in President Cyril Ramaphosa se toespraak tydens sy inhuldiging op Woensdag 19 Junie in Pretoria. Na ‘n verkiesing waarin geen party ‘n volstrekte meerderheid behaal het nie, het hy beklemtoon dat samewerking tussen partye nou van die grootste belang is. “Ons verbind ons tot die taak van demokratiese hernuwing, maatskaplike en ekonomiese transformasie sodat niemand agtergelaat word nie,” het hy gesê.

TLU SA verklaar dat plaasmoorde nie langer as misdaad beskou kan word nie, maar terreur en sabotasie.  “Wanneer ‘n boer en sy werkers, of enige onskuldige burger met AK47’s en R4- of R5-aanvalsgewere gejag en koelbloedig geskiet word, besef ons dat dit nie gewone misdaad is nie, dit is ‘n terroriste-aanval en ‘n daad van sabotasie teen die land,” sê Bennie van Zyl, hoofbestuurder van TLU SA. 

Dagboek die datum vir ons jaarlikse kongres en dinee op 4 September 2024!

Tema: Landbou móét seëvier

Vir die program en om te registreer, kliek hier.

TLU SA het deur die jare silograanleweringsnommers bekend gemaak waar lede, indien dit vir hulle moontlik sou wees, graan kan lewer op TLU SA se nommer.

Ons besef dat vanjaar ‘n uitsonderlike jaar is en dat daar baie boere is wat nie die toue bymekaar gaan kan bring nie. TLU SA het steeds navraag ontvang vanaf persone wat in die posisie is om graan te lewer om die nommers te plaas vir gebruik.

Gegewe hierdie versoeke plaas ons die siolograanleweringnommers weer in Pitkos. Ons het groot begrip en deernis vir baie boere wat vanjaar moet fokus op hulle eie belange en verstaan dat dit nie vir almal moontlik sal wees nie. TLU SA wens vir elke boer sterkte toe in die tyd wat voorlê.

TLU SA silograanleweringnommers:

• NWK: X170613TLU
  
• Afgri: 152622
  
• VKB: N3108912

Boedelbeplanning, testamente, trusts, finansiële beplanning en meer word by hierdie seminaar bespreek. TLU SA Finansiële Welstandlessenaar is gestig met die doel om TLU SA lede by te staan met persoonlike Finansies.

Opvolg beplanning in ‘n boerdery is van kardinale belang, en dit vorm die basis van ons proses van beplanning. Ons hou op 7 Augustus 2024 ‘n seminaar te Ermelo om lede in die streek by te staan.

Om die seminaar by te woon, voltooi die vorm op ons webblad.

• 7 Augustus 2024   |  11:00 tot 13:00
• TLU SA Ermelo (Ermelo Hoërskool)

‘n Ligte middagete sal voorsien word. Beperkte spasie beskikbaar, kontak Retha by vir bespreking.

Tydens Kragdag wat 8 – 10 Augustus 2024 plaasvind, gaan TLU SA weer ’n patente-kompetisie aanbied. 

Met die landelike veiligheid wat steeds onaanvaarbare afmetings aanneem wil ons versoek dat planne vir tuisgemaakte stelsels wat plaaswerf kan beveilig, voor 8 Augustus 2024  ingestuur word na sekretaresse@tlu.co.za.

 Kaartjies is tans beskikbaar teen 50% afslag op KragDag se webblad: www.kragdag.co.za.

Die 911 Riders kom jaarliks by KragDag bymekaar as deel van hulle projek: Gebed vir ‘n Boer. Klik hier vir meer:

Inskrywings vir TLU SA se 2024 Jongboer van die Jaar-kompetisie het gesluit.

Plaasbesoeke sal tussen 15 - 19 Julie 2024 plaasvind. Die wenner, naaswenner en derde plek sal  tydens die TLU SA Kongres bekend gemaak word.

Navrae:
Mariëtte Minnaar by sekretaresse@tlu.co.za
Clemens Senekal by clemens@picrsa.co.za

Ons borge vir 2024 tot dusver:

• Hatfield Motor Groep
  
• Manitou
  
• Santam Landbou
  
• Introlab

Die brandseisoen is hier en dit is nou tyd om seker te maak dat alle toerusting vir die bekamping van veldbrande in ‘n werkende toestand is.  Lede moet seker maak dat hulle deel is van die brandvereniging in hul omgewing en dat daar aan die nodige reëls voldoen word.  Tref veral reëlings dat arbeid wat in die bekamping van vure ingespan word oor die nodige opleiding beskik en van die nodige veiligheidsklere en -toerusting voorsien is.

TLU SA is deurlopend besig om die breër omgewing van standpunte te voorsien oor wat in beste belang van volhoubare landbou is.  Ons kry gereeld versoeke van ‘n verskeidenheid tydskrifte, koerante, radio- en TV-stasies daarvoor, nie net vanuit ons land nie, maar ook internasionaal.  Ons stuur ook maandeliks ‘n internasionale bulletin na elke moontlike adres in die buiteland, na regerings, opposisiepartye en ander rolspelers, om die omstandighede waaronder die Suid-Afrikaanse boer gebuk gaan onder hul aandag te bring.

Hugo Pretorius Smitfield, TLU SA se Nasionale Veiligheidsvoorsitter, deel basiese veiligheidswenke:

1. ‘n Vuurwapen beteken niks terwyl dit in jou kluis lê nie. As ‘n aanvaller jou of jou gesin skielik in die huis aanval, is daar nie tyd om kluis toe te hardloop nie.
2. Moenie uitloop om te gaan ondersoek instel as jy ‘n geraas buite hoor nie. Die feit dat jy die behoefte het om te gaan kyk wat aangaan, beteken jy vermoed iets is verkeerd. Ontbied eerder hulp. Gebruik tegnologie soos kameras om te kyk wat buite jou huis aangaan.
3. Jy kan onmoontlik oorleef as jy altyd alleen wil staan. Word deel van jou plaaslike veiligheidsgroepe en plaaswag.
4. Proaktiewe aksies is wesenlik vir jou én jou gesin se veiligheid. 

TLU SA tree gereeld op Landbouspore met verskeie rolspelers wat ‘n bydrae lewer om boere volhoubaar op hulle grond te hou, in gesprek .

Ons nuutste opnames:

1. Landbouspore: Veiligheid en plaasaanvalle
   Kyk gerus die video hier
2. Landbouspore: Skuld en die invordering daarvan
   Kyk gerus die video hier
3. Landbouspore: NWK 4SURE Makelary
   Kyk gerus die video hier
   

Die Oos-Streek beplan om al die slagoffers van plaasaanvalle te eer en te herdenk tydens ‘n jaarlikse kranslegging vir vriende en familie van hierdie slagoffers. Ons is tans besig om die inligting van die slagoffers bymekaar te maak. Lede van Mpumalanga word uitgenooi om kontak te maak met die Oos-Streek om seker te maak dat die name van hulle geliefdes op die lys is.

MISDAAD
So word ons ook geteister deur misdaad in ons streke. Dit wil voorkom asof daar ‘n tendens ontwikkel van kriminele wat nou transformators in as geheel steel en nie net die koper dele nie. Ons versoek graag ons lede om sulke insidente aan die streekskantoor deur te gee.

TLU SA reik weekliks ‘n kort video uit waarin Bennie van Zyl, ons hoofbestuurder, gesels oor dinge wat saakmaak.

Die eerste sewe video’s is reeds op YouTube en al ons sosialemediakanale beskikbaar.