Sonder water het ons nie kos nie.
Die Departement van Waterwese en Sanitasie het dit goedgedink om nou ook raskwotas aan waterlisensies te koppel.
Die voorgestelde wysigings bepaal waterlisensies sal net as volg toegeken word:
- Waterverbruik tot 500 000m³ en plase tot 500h – 25% swart aandeelhouers
- Waterverbruik tot 1 000 000m³ en plase tot 1 000h – 50% swart aandeelhouers
- Waterverbruik meer as 1 000 000m³ en plase groter as 1 000h – 75% swart aandeelhouers
Kommersiële boere – ons lede – voorsien kos aan ongeveer 70% van Suid-Afrika. Sonder water is daar nie landbou nie. Sonder landbou is daar nie kos nie.
Dit is van uiterste belang om hieroor kommentaar te lewer sodat die regulasies nie deurgevoer word nie.
TLU SA het 'n petisie by die parlement ingedien waarin 'n persoonlike belastingvoordeel vir Suid-Afrikaners wat geld spandeer aan hul eie veiligheid gevra word.
Misdaad is 'n onvermydelike deel van die alledaagse lewe, en die regering se onvermoë om dit te voorkom, vereis dat individue self optree. Alhoewel besighede reeds toegang het tot sulke belastingvoordele, wil ons beklemtoon dat misdaad nie net besighede raak nie, maar ook verbruikers, insluitende dié wat afhanklik is van ons TLU SA-lede vir kos.
As gevolg van die stygende misdaadvlakke is dit vrugteloos om te wag vir die regering om misdaad aan te spreek. Ons glo dat 'n aanpassing aan die inkomstebelastingwette nodig is om mense se veiligheid op privaat eiendom te verseker en die land se ekonomiese situasie te stabiliseer.
Ondersteun die petisie saam met ons.
|
