Gemeenskapsveiligheid belangriker as ooit
Die belangrikheid van gemeenskapsveiligheid en dié strukture kan en mag nie onderskat word nie. Indien jy reeds deel is van jou gemeenskapsveiligheidstrukture, maak seker jy is op datum van alle belangrike inligting en deel van kommunikasie-groepe.
As jy nog nie ingeskakel het nie, is nou die tyd om dit te doen. Vind uit wie die persone is om te kontak en kom dadelik in aanraking met die gepaste persone. Jou, jou gesin en jou werkers se veiligheid kan net hierby baat.
Dan, met al die beurtkrag, maak deurentyd seker al jou batterye is vol gelaai en dat die paniekknoppies nie afhanklik van krag is nie. Ook jou manier van kommunikeer moet voortdurend reg wees. Maak seker jy het bystand-battery krag ook as nodig.
En dan jou gebeurlikheidsbeplanning moet ’n lewendige dokument wees. Jy moet sekermaak alles is op datum en maak die nodige aanpassings soos jy maniere vind om dit te verbeter.
|