Die Brandseisoen is in aanvang en ons wil lede attent maak om hulle brandbeplanning in plek te kry. Onthou ook om jou brandversekering op te dateer en ook aanspreeklikheidsdekking uit te neem.

Versekeringsmaatskappye stel ook ’n vereiste dat jy moet kan bewys gee dat jy aan ’n brandvereniging behoort.

Ons is nouliks betrokke by die JOC op bek-en-klouseer in NW en sal ons aanhou om ons lede se belange te dra.

Lede word ook uitgenooi om saaknommers wat nie opgelos of terugvoer kry nie, op 'n maandelikse basis vir Jannie Raath deur te gee.

Voorspoedige strooptyd sonder onderbrekings!

MISDAAD
Veediefstal is steeds ’n eskalerende probleem in ons streek, alhoewel dit blyk dat dit ’n nasionale probleem is. Ons is egter besig om sisteme in plek te kry om hierdie misdaad te probeer hokslaan.

GEWASSE
Tans is ons boere besig met die stroop van gewasse, waarvan Soja die meeste is. Die stroop proses word egter bemoeilik deurdat lande in sommige gedeeltes nog baie nat is.

ANDER
Ons voorsien dat brande ’n groot probleem tydens die komende seisoen gaan wees. Boere word daar op gewys om brandtoerusting vroegtydig te diens.

Dit is so dat ons weens verskeie redes nie meer oor sport praat nie. Wie onthou nog hoe Springbok-rugby die hoofonderwerp van bespreking was voor ’n toets teen een van die grotes en daarna vir nog ’n week was die wedstryd uitmekaar getrek en herleef; so ook wedstryde tussen Noord-Transvaal en die WP. Deesdae praat ons nie meer sport nie, nie krieket, atletiek of Dallas nie. Tog is Pretoria weer Hollands na Tuks se oorwinning oor Maties, en dit in die Danie Craven altemit. As alles maar so goed  gegaan het…

Landbou-toestande vir die winter lyk belowend, winter gewas aanplantings is in volle swang, jagplekke is amper vol bespreek, die sitrusoes is besig om af te kom, slegs een grusame plaasmoord en dit is die orde van gebeure, ons praat ook nie meer oor plaasaanvalle nie. Het ons so verstok geraak, is ons verslaan, het plaasaanvalle en moorde nou na enkele sinne op bl. 4 geskuif? Hoe het ons dit toegelaat? Is dit die media se skuld?

In ’n kort tydperk verwys twee vroue landdroste namekaar na TLU SA se slagspreuk: “Het jy geëet vandag?” in hulle uitsprake. Ons is dankbaar daarvoor, dit gaan egter nie die probleem alleen aanspreek nie, die bekamping van landelike misdaad is ons elkeen se plig. Almal het klagtes oor plaasprodukdiefstal, TLU SA begin ’n bekamping strategie, minder as vyf mense neem deel die projek. Moet dit gestaak word of wat? Ons besef ons boere is onder druk, ons is hier om te help en sal ons net ons beste gee om u veilig en volhoubaar op u grond te hou.

Paaie vorm die fondament van lewenstandaarde in ’n land, en die veiligheid daarvan raak elke jaar duisende Suid-Afrikaners se lewens direk. Afgryslike verhale van die verlies van geliefdes weens slaggate en swak onderhoude paaie word oral in Suid-Afrika gehoor. TLU SA is baie bekommerd oor die toestand van die land se paaie. Dit het reeds en gaan net ’n groter impak op die ekonomie hê.

Boere ly grootskaalse skade aan hul voertuie en produkte wat by die markte moet uitkom, om die volk te voed. Daar is selfs vervoerkontrakteurs wat weens die toestand van paaie weier om dié spesifieke paaie te gebruik terwyl ander kontrakteurs hul tariewe verhoog as hulle by boere – tot wie toegang net op die verwaarloosde paaie gekry kan word – aflewerings moet doen of kos markte toe moet vervoer.

BOERE HET JOU NODIG. RAAK BETROKKE. klik hier

Die huidige stand van sake is reeds onaanvaarbaar en die nare realiteit is dat veediefstal getalle kan toeneem as daar nie daadwerklike optrede is nie.

Boere gaan moet bereid wees ekstra maatreëls in plek te stel om diefstalle te voorkom. Hulle moet – en dit is van kardinale belang – by hulle plaaslike veiligheidstrukture inskakel. Sou hulle sake aanmeld moet hulle deurlopend met die ondersoekbeampte kontak hou tot die saak deur die hof gevoer word.

TLU SA wil graag daar wees om boere by te staan met praktiese raad en moontlike bronne in die stryd teen veediefstal. Vir meer besoek ons webblad hier.