In Eksodus 18, van vers 13, staan daar dat Moses se skoonpa Jetro, by Moses kom kuier het en vir Moses naby uitbranding van te veel stres en harde werk gevind het. Moses werk hard, doen te veel dinge self en raak daarom agter met sy werk. Hy wat Moses is, doen die oubaas aan die hand, is om mense oor ander mense aan te stel om na hulle daaglikse probleme te luister en raad te gee, Hoofman oor 1000 oor 100, 50 tot by 10 en so vertel die Bybel.
Hulle sal die meer ernstige goed na Moses verwys en die dag tot dag probleme op hul vlak uitsorteer. Moses, sal oor meer ernstige dinge beslis en sal meer tyd hê om die daaglikse roete deur die woestyn te beplan en te lei. Die Skepping se heel eerste bestuursmodel, die komiteestelsel, of dan ’n gedelegeerde bestuurstelsel kom tot stand. Die woord delegasie het eintlik nog nie bestaan nie en die begrip komiteestelsel neem so sy plek in die rangorde van bestuursmodelle in.
TLU SA roem daarop dat ons ’n organisasie is waar lede namens lede praat. Hoe kan iemand op die Embankment weet wat in die lande en op die weiveld en boorde aangaan. TLU SA is ’n vrywillige lede gedrewe organisasie tot voordeel van ons lede en ander landbouers. TLU SA het daarom deur die jare sterk gegroei en menings gevorm deur komitees bestaande uit boere en nie deur kantoor gebonde personeel nie.
TLU SA se komitee stelsel begin op grondvlak. Op Boereverenig-vlak bestaan ’n komitee oor omgewingsake, op DLU vlak is daar ’n komitee oor omgewingsake, op streekvlak ’n komitee oor omgewingsake. Die BV Komitee voorsitter dien op die DLU komitee, die DLU voorsitter dien op streekvlak, die streekkomitee-voorsitter dien op nasionale vlak.
TLU SA het sy dinamiek en vooruitgang in die komiteestelsel gevind. Hierdie komiteestelsel het egter deur die jare in onbruik verval, TLU SA het op vele terreine ons kompeterende voordeel as gevolg hiervan verloor. In Noordstreek wil ons weer die komiteestelsel soos van ouds opnuut lewe gee, tegnologie maak dit moontlik, laat ons eie boere namens onsself praat. |