Dit is met groot kommer dat ons die gebeure in Piet Retief dophou. Boere sit in ‘n verknorsing; aan die een kant is die omgewing net so veilig soos wat die plaaslike veilgheidstrukture – bestaande uit boere – beskerming kan verskaf;

Op Landbouspore het TLU SA die afgelope ruk in gesprek getree met verskeie rolspelers wat bydra om boere veilig en volhoubaar op hulle grond te hou. Ons het gesels met: • Sybil Visagie van Save the Sheep oor hoe hierdie inisiatief help dat boergesinne en -werkers ‘n bestaan kan maak;

Dit is gewis dat alles waarvoor ons staan in hierdie dae getoets word. Die omgewing word op elke lewensterrein getoets en verbuig om witmense as die skuldiges uit te maak oor alles wat in die oë van die ANC, EFF en ander rolspelers verkeerd is.

Statistiek Suid-Afrika het in 2020 die resultate van die 2017 Landbou-opname bekend gemaak. Ons ontleed maandeliks verskillende aspekte van die opname. Vandeesmaand kyk ons in meer besonderhede na landbou in Limpopo.

Die inisiatief van die Noordstreek, het tot gevolg dat Eskom-kliënte in die kommersiële landbousektor as “sensitiewe kliënte” geag word. Hierdie stap volg na aanleiding van energie-onderbrekings wat verreikende gevolge mag inhou in die voedselproduksieproses. Lede in ander streke word aangemoedig om op plaaslike vlak, die voorbeeld van die Noordstreek te volg ten einde ‘n soortgelyke “status” as Sensitiewe Eskom-kliënt te beding. Kyk gerus na hierdie video vir meer inligting oor die Noordstreek se aksies.

Die afgelope tyd het die belangrikheid van grondvlak strukture op verskeie plekke na vore gekom. Die situasie in Piet Retief is 'n goeie voorbeeld. Verskeie Veiligheidsbulletins is oor tyd uitgestuur waarin riglyne uiteengesit word oor hoe om sodanige situasies te hanteer. Al hierdie riglyne sal ongelukkig geen bydrae maak indien ‘n plaaslike gemeenskap nie vooraf hande gevat het en werk gemaak het daarvan om vir die unieke omstandighede by hulle van toepassing ‘n ingeoefende plan daar te stel nie.

Die regering konsulteer deur middel van ‘n werkgroep met rolspelers in die landbou waardeketting oor die ‘Meesterplan vir Landbou’. TLU SA is deel van die samesprekings en gee ook gereeld ons insette. Ten spyte van goeie argumente in die dokument word dit reeds so saamgestel dat die ekonomiese markkragte in ‘n sekere sin misken word. Dit is ‘n ideologies-gedrewe dokument.

Die afgelope tyd het TLU SA by verskeie geleenthede gespek gevoer met verskillende tradisionele swart leiers. Daar bestaan ‘n dilemma dat ‘n groot deel van hulle afhanklik is van toelaes wat deur die staat aan hulle betaal word en dit dan baie moeilik maak om in die openbaar standpunt teen die ANC in te neem. Daar is wel ‘n toenemende ongemak oor die wyse waarop die ANC die verskillende kulture probeer versmoor deur die NDR op almal af te dwing.

TLU SA is steeds besig om na opsies te kyk oor hoe ons die winsgewendheid van ons boere kan verbeter. Vir die boere wat in graanverbouing betrokke is, word daar reeds groot verskille teweeg gebring.  Kontak gerus vir Dr Gawie du Toit by 083 630 1330 om meer te wete te kom oor ‘n winsgewende benadering tot boerdery. Dit is belangrik vir lede om betyds en lank voor die volgende plantseisoen seker te maak van wat dit behels ten einde die nodige aanpassings te kan doen.

Na aanleiding van die onlangse Piet Retief-insident wat op sigwaarde voorgehou word as mense wat “werk soek” en wat ontaard het in gewelddadige protes wat die dood van twee persone en die gevolglike arrestasie van vier boere en ‘n werker tot gevolg gehad het, is ‘n Veiligheidsbulletin (02/2021) op aanbeveling van ‘n praktiserende prokureur opgestel en versprei.
In besonder word die aandag van TLU SA-lede, persone wat by plaaswagte asook ander plaaslike veiligheidstrukture inskakel asook ander betrokkenes, op die inhoud van daardie Veiligheidsbulletin gevestig.
Die kritiese belang van die tydige identifikasie van goedgesinde en kundige regspraktisyns, ondersoekdeskundiges en ander sodanige kenners word ernstig en dringend ernstig aanbeveel. Daarbenewens kan die dokumentêre- asook visuele vaslegging van die verloop van gebeure nie genoeg beklemtoon word nie.

TLU SA ag dit ook gerade om alle landbouers wat waarskynlik eersdaags sal begin met die baal van voer met die oog op die komende winter, se aandag te vestig op die potensiële brandbedreiging.
Benewens die seisoenale voorkoms van brande gedurende die winters, kan dit nie uitgesluit word dat toenemende polities-geïnspireerde agitasie doelbewuste brandstigting tot gevolg mag hê nie.

Gevolglik word dit sterk aanbeveel dat benewens voorsorgmaatreëls om te verseker dat brandbestrydingsuitrusting diensbaar en toeganklik is, die stapeling van voerbale versprei word sodat in geval van brande, nie al die bale op ’n enkele ligging geberg word nie om sodoende die potensiële verliese te beperk.

VERKIESING 2021

Die nasionale verkiesing vind op 27 Oktober plaas.  Hierdie verkiesing is een van die mees uitdagende sedert 1994 weens die regerende party se onvermoë om die land te bestuur en aan die duisende aanhangers se beloftes te voldoen. Enige aksies sal dus geloods word om kiesers se ondersteuning te bewerkstellig en die landbouer sal in die visier wees.

Lede word gemaan om enige aksies wat daarop gemik is om reaksie uit te lok, met omsigtigheid te hanteer. Tradisioneel word ondersteuning gebied aan die party wat die meeste aggressie en dominansie toon, dus word hierdie sienswyse uitgebuit deur politieke partye om so veel as moontlik ondersteuning te verkry.  Daar word dus voorspel dat betogings en geweld sal toeneem soos wat die verkiesingstyd nader om beheer en oorname te demonstreer.

Die Onafhanklike Verkiesingskommissie het sy kommer uitgespreek oor die afwesigheid van miljoene stemme tydens die vorige verkiesing. Daar word dus regoor die land aksies geloods vir die opleiding van kiesers en registrasies veral in die verifiëring van adresse wat op die kiesersrol moet voorkom. 

Die Onafhanklike Verkiesingskommissie het die versoek gerig dat toegang tot landbou-eiendom verkry word om opleiding aan werkers te bied. 

TLU SA ondersteun nie die groot aantal mense wat tydens so 'n opleidingsessie toegang tot plase verkry nie, in die lig van veiligheidsrisiko's. Lede word versoek dat waar daar wel so 'n besoek gefasiliteer word, die nodige aandag verleen word aan COVID- regulasies en die protokol te alle tye te handhaaf.

Registrasies vir die 2021 verkiesing kan elektronies geverifieer word by www.elections.org.za.

PLAASLIKE REGERING GRONDBELASTING

Die munisipaliteite is tans besig met die konsultasieproses van die Ontwikkelingsplan en begroting van die munisipaliteit en die tariewe wat voorgestel word vir die belastingjaar 2021/2022. 

Lede word aangemoedig om aan hierdie proses deel te neem, aangesien dit die grondslag vorm van eiendomsbelasting wat gehef sal word. Daar moet veral aandag gegee word aan die persentasie-verhoging en die bekostigbaarheid daarvan. 

Die ontwikkeling wat die munisipaliteit binne die volgende jaar beoog, moet met 'n vergrootglas dopgehou word aangesien daar tydens die vorige finansiële belastingjare fondse daargestel is vir ontwikkeling wat weens COVID-regulasies moontlik nie gerealiseer het nie. Daar kan dus nie jaar op jaar vir dieselfde ontwikkeling kostes gehef word nie. 

Die finansiële voorsiening van die vorige jaar vir die spesifieke ontwikkeling moet dus aangespreek word in die lig van die ontwikkeling wat moontlik aangeskuif is weens COVID inperkings.

Die nie-deelname aan die proses is 'n weerspieëling van goedkeuring.  Elke inwoner se deelname is dus van kardinale belang.

WAARDASIEROL

Munisipaliteite is weens die vergunning wat gegee word in die plaaslike regering wetgewing geregtig om die waardasierol te verleng wat daartoe lei dat munisipaliteite nie binne dieselfde jaar 'n algemene waardasierol onderneem nie. 

In die Noordweste het boere begin om sonneblom te stroop. Die opbrengste lyk goed met 1,5T/Ha tot 2,4T/ha.

Sojas droog vinnig af en die stroop-proses sal ook eersdaags daar begin. Daar is wel enkele boere wat alreeds begin het.

Daar is middel Maart bykans ‘n 100 speenkallers by Oom Lourens De Jager tussen Vryburg en Schweizer gesteel. En met die gemeenskap se hulp en ons veiligheidsgroepe is bykans almal terug gevind binne twee weke. Dit was goeie nuus.

Aangesien ons paaie tot niet gaan, is talle boere besig om paaie self te herstel, met die oog op stroop, en die wegry van graan.

Groete
John Rankin: Voorsitter Noordwes Streek.

In die Oos-Kaap het ons ‘n suksesvolle streeksvergadering gehad waartydens ‘n nuwe bestuur aangewys is.

‘n Inligtingsvergadering met Bennie van Zyl en Henry Geldenhuys het goeie resultate afgewerp en ‘n nuwe tak is op Barkley gestig.

Ons sien daarna uit om te sien wat die nuwe raad en asems in die streek gaan uitrig.

Groete,
Hugo Pretorius: Voorsitter Oos-Kaap

Die negatiwiteit in ons land weens misdaad, korrupsie, die ineenstorting van infrastruktuur, werksverliese, ‘n sukkelende ekonomie en rasse-agenda van die regering, om maar ‘n paar te noem, kan veroorsaak dat ons maklik moedeloos raak.

Die Pretoria Boeremark is gevestig om gesien te word as een van die moet-besoek punte op vroeë Saterdagoggende in Pretoria. Vir elkeen is dit genoeg motivering om te gaan net om die atmosfeer te gaan ervaar.

TLU SA se Streekvoorsitter van die Noord-Kaap, Jannie Roux en die Hoofbestuurder van TLU SA , Bennie van Zyl het gedurende die week van 19 tot 23 April ‘n reeks vergaderings in die Noord-Kaap gehou.

Die TLU SA Finansiële Dienste Lessenaar het totaal omvorm tot Landbousektor Finansiële Dienste Mkpy Bpk, ‘n volwaardige gelisensieerde Finansiële Dienste Maatskappy met FSCA registrasie nommer 44619.

With the wide range of attachments offered by Manitou, your farming material handling tasks can be efficiently carried out.  The agriculture attachment range assists in picking, transporting, packing and loading – all tasks which have to be done regularly.

Manitou understand that the modern farmer optimises their workload with careful scheduling, using mechanisation to streamline operations. Manitou’s range accommodates every type of farmer, regardless of season or task at hand.

Read more here.

Die Hoffman-familie is sedert 1947 betrokke by grondverskuiwing en die verhuring van verwante toerusting. Die maatskappy word nou die derde generasie van Hoffmans bestuur.

Hoewel die hoofkantoor in Tarlton in die Gautengse Wesrand geleë is, word dienste regoor die land verskaf.

Kontak ons gerus vir u grondverskuiwing behoeftes.